همس المشاعر

غَشَ .. يَغشْ

(غَشَ .. يَغشْ) يقول الراوى
خصلة حقـيرة تجُـر بلاوى
واللى يصرّ عليها و ناوى
يبقى أنانى بمليون وش..
غَشَ .. يَغشْ على المحمول
سرقة بتكنولوجى على أصول
وبلاك بيرى مفتوح على طول
ووزارة لسة ما فهمِتش..
غَشَ .. يَغشْ الرأى العـام
بالأكاذيـب أو بالأوهــام..
يعمل فيها الراجل الهام ..
والغلطة منه ما تفلتش..
غَشْ اتلوّن .. ع الوشين
حسب المركب رايحة لفين
ولا يستحى مكسور العين
علشان لابس وش كاوتش
واللى بيلعب فى الأسعار
بالباطل بـيـولّع نار..
ع الفُقرا يقلبها دمار ..
غلا عليهم حتى المِش..
غَش ..يغشْ فى الانتخابات
ويـزوّد عدد الأصـوات..
و بيحسب أصوات أموات..
و يركّب للميت دِشْ..
والغش على أصوله يبان
لما يكون بسم الأديـان..
أو انسـان يخدع انسـان
علشان منه يخاف.. ويكِشْ
الغشاش ..هو الغشاش
و ضميره حاجة ماتسواش
حتة فـ عقله مايعرفهاش
ولا بتهشْ ..ولا بتنشْ
غَشَ .. يَغش رغيف العيش
ماهو مش لاقى نظام تفتيش
وضميره أصلاً شيش بيش
هايقابل ربه بأنى وش..

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock