شبابيات

نورا عطية:موهبة فريدة من نوعها فى عالم الغناء

كتبت/ولاء رشدى

موهبة فريدة من نوعها موهبتها وحبها للغناء يفوق كل الحدود عشقها للغناء يعد اكسجين الحياة الذى تعيش بيه
وقد قامت بتعريف نفسها لنا قائلة؟
انا نورا عطية 21 سنه ؛ ف كلية حقوق ؛ من اسكندرية
بحب الغنا جداً ؛ بالنسبالي زي الاكسجين كدا معرفش اعيش من غير ما اغني ؛ بحب اغني فى اىوقت وفى اىامكا
اول مرة غنيت فيها كنت فى خمسة ابتدائي فى الاذاعه المدرسيه كان بالنسبة لية اكبر انجاز عملته
ومن يومها و الاذاعه المدرسيه بقت شئ مقدس كل يوم ف المدرسه ؛ ولما دخلت اعدادي بقيت بردو فى الاذاعه المدرسيه ؛ و فى ثانوي بقي دخلت كورال المدرسه والاذاعه بردو وكنت بغني بردو ف الاذاعه وحفلات المدرسه
و ف الكليه دخلت بردو الكورال بتاع الكليه ؛ وكانت اي مسابقة غنا بتحصل فى الكليه كنت بدخل فيها
غنيت ف حفله تبع الكليه ؛ وحالياً بنزل اغاني ليا ع الساوند كلاود
من كان يدعم موهبتك ويشجعها باستمرار؟
بنت عمي هي اكتر حد بيشجعني وبعض صحابي والبيت اكيد طبعا
اى نوع من الاغانى بتفضلية وتحبى تسمعية دائما؟
بحب الاغاني القديمه جداً ؛ بسمع كتير لى أم كلثوم ؛ فايزة احمد ؛ وردة ؛ نجاة
وبسمع الجديد بردو
مين مثلك الاعلى من الفنانين ؟
بعشق شيرين عبدالوهاب وهي مثلي الاعلي بحب انغام و اصاله
هل حاولتى من تطوير نفسك واظهار موهبتك لشريحة اكبر من الناس؟
نعم حاولت من فترة مش كبيرة بدأت انزل اغاني ليا علي الفيسبوك ؛ والناس بدأت تسمعني ويشجعوني ؛ وكان في event معمول علي الفيسبوك للمواهب اسمه #انا_واحد_من_2_مليون نزلت فيه موهبتي والحمد لله وصلت للتصفيات ومازالت المسابقه مستمرة والنتيجه هتظهر آخر الشهر ان شاء الله
ناس كتير شجعتني وحمسوني جداً ؛ وناس اكتر احبطوني منهم اللي يقول لالالا صوتك مش مظبوط ظبطيه وبعد كدا ابقي غني ؛ واللي احبطني بصمت ؛ بس مسكتش ومنتبهتش ليهم ؛ لان دا هدفي ف الحياة وبقيت بطور من نفسي وهفضل اشتغل ع نفسي اكتر لحد ما ابقي حاجه كويسه بإذن الله ؛ و ان شاء الله هحقق اللي بتمناه طول ما ربنا معايا
بحب اسمع اي حد بيغني علشان استفاد منه ؛ كنت حابه اقدم ف مركز الثقافه والابداع بس منفعش ؛ لان طبعاً هيبقي في حفلات ف وقت متأخر وكدا و انا والدي بيسافر فى بيخاف عليا جداً ؛ فى مسكتش وبدور وهدور ع اي حاجه اقدر اساعد بيها نفسي
ومقال حضرتك دة جه فى وقته بصراحه ؛ واخدت منه دافع كبير جداً اني اشتغل اكتر واكتر ؛ ودايماً بقول لنفسي بداية الحلم خطوة والمقال دا اكبر خطوة الحقيقه
وبعدين انا مؤمنة جداً ان ربنا مش هيزعلني ؛ دا حتي ربنا بيقول ” تشاء ياعبدي وأشاء فإذا رضيت بما أشاء , أعطيتك ما تشاء وانا الحمد لله راضيه ب اللي ربنا بيدهولي
اتمنى لكى كل التوفيق بأذن لله
ودا لينك الساوند كلاود بتاعي ؛ وعليه كل الاغاني بتاعتي Listen to قلولو الحقيقة nOor A. Abd El-Haleem by n’Oo Ur Abd El-Haleem #np on #SoundCloud

الوسوم

مقالات ذات صلة

رأي واحد على “نورا عطية:موهبة فريدة من نوعها فى عالم الغناء”

اترك تعليقاً

لن يتم نشر عنوان بريدك الإلكتروني.

أنت تستخدم إضافة Adblock

برجاء دعمنا عن طريق تعطيل إضافة Adblock