همس المشاعر

“يوسف و مريم”

بقلم / بيشوى مجدى


هو يوسف بار وطيب  ..  هى مريم بنت صالحه
هو حب يكون قريب  ..  هى حاسه بإنه فرحه
هو زى البيت و أرض ..  هى كانت طارحه ورد
هو عبر ف استجابت .. جاب هديه وهى جابت

هو حس بشئ غريب ..  هى حاسه بخوف تدريجى
رايح فين ؟ هصلى وراجع .. طب هستنى لحد ما تيجى
كانت خايفه تملى تخمن .. هو بيقلق مش متطمن

يرجع.. فينك ؟ سبنى هنام..!!
مالك طيب ؟ يلا سلام!!

جوه منها كلام كتير .. اتمنت الموت لو جالها
بنت بتبكى ع السرير .. حبه ليها جوه بالها

برغم الحب اللى ساكنهم ..  ولا اى حاجه هتتعمل
برغم الطهر اللى ما بينهم .. لكن خلاص مفيش امل
بنت روحها جوه واحد .. ما بيقدرش يعيش من دونها
عصفور وبيعشق سمكايه .. ازاى بس يا ناس يحضنها

اصلها كانت ف البلكونه .. وكمان هو شويه وراجع
فجأه اتصدمت لما اتشاف .. كان بيصلى جوه الجامع

هو كان على دين محمد .. هى كانت على نهج عيسى
ف هل يجوز ف مره نربط  .. مره جامع بالكنيسه؟

الوسوم

تيسير علي

Graphic Designer Alexandria, Egypt t.aly@fekra.media

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق