همس المشاعر

بنت مصرية

بقلم / دينا السعيد
جريدة فكرة الالكترونية
من واقع سنين شوفنا مصر بستاتها الطيبين جدعنة وشهامة مفيش بعد كده مين ؟
اشتغلت كل الادوار وعانت من زحمة وسوق وشغل ودراسة وعيال قرفاها طول النهار .. ما هى مسؤولية وهى قدها بتتحداها مهما وقفت الدنيا ضدها .. جوزها مات .. جوزها هاجر .. جوزها عاجز .. جوزها عاطل مبتملش ومكملة واقفة فى الطريق لولادها وبتعافر عشانهم وعشان خاطر ربنا .. عايشة مهما دهستها الظروف مش مسلمة
جابت بنت مصرية جدعة وبميت راجل تثور وقت الغلط ما هى أصيلة ولا يمكن تتهان مهما قدروا الغيلان ميهماش ومكملة .. اوعى تفكر أنك تدوس عليها أو تبقى فاكر أنك راجل لما تتكلم عليها أو تتحرش بيها هى أنضف وأشرف من اللى قال عليها .. بنت جدعة وطيبة وقت الشدة تبان مهما كنت جبان معدنها غالب والاصل غلاب
دى بنت مصرية معاها جميع الجنسيات تقدر تتلون وفى ثانية توديك من الهند لليابان ومن أمريكا للسودان وكمان ممكن لو حبيت اللومان .. وصحيح على رأى شويكار ” مهو أصل قليل الأصل يسيب الأصل وياخد الصورة ”
البنت المصرية علمت دول وأجيال .. من يوم ما جت على أرض مصر وهى عظمة فى كل الأحوال وفى كل عصر كان ليها آوان .. ما هى مصرية مين قدها بنت الأهرامات والنيل والفلاحين ده خيرها طيب وعشان كده مفيش زيها .
” بنت مصرية ”

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock