همس المشاعر

“موجب تحت الزيرو”

بقلم : بيشوى مجدى


بَجمع حَظى مع الاحزان / و اضرب فـ الجرح المليان
و أخسر دورى مع اليانصيب
بجرح لكن من غير قصد / لكن عمرى ما كنت بسيب
بسهر ياما لنُـــــص الليل
و أكتب كلمه بخط طويل / دى ” النهايه ” وصلت لأخِر
فاكر قلبى ده كان إكسير / كان مصنوع م النوع الفاخر
ياما إتهان وإتهرى تكسير / كان بيحب المشى كتير
كان بيحب تملى يطير / حتى ولو كان لامس أرض
كان بيهادى وبتبذير/ لكن عُمر ما جالُــه الورد
كان فــ الدومينو صحيح لعيب / يكسب يلبس فــ المشاريب
و إن مدفعش هيصبح عيب
كان بيسافر جوه خياله / كان بيعيش الحلم فــ باله
من غير ولا مليم فــ الجيب
حابب جداً أوصف حال / بس لواحد كَتر خيرُه
جواه واحد شاغل بال/ بان ع الوش لواحد غيره
فى العلاقات كان واقع تحت / و إنه مهندس فاشل بحت
كان يفشل ويقول إرتحت/ و إنه بقلبه ولسه بخيره
جامع حَــظُـه مع الاحزان / ضارب ف الجرح المليان
بعد ثوانى الناتج بان / موجب لكن تحت الزيرو

الوسوم

تيسير علي

Graphic Designer Alexandria, Egypt t.aly@fekra.media

مقالات ذات صلة

شاهد أيضاً

إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock