مقالات

رسالتى الى جميع دول العالم ((ان كنت ناسى افكرك ))

بقلم / خالد حمودة
جريدة فكرة الالكترونية
افرض أننا عندنا ارهاب وهما السبب فى ضرب الطائرة الروسية
طيب وأيه المشكلة وليه الهيصة الكبيرة اللى الدول الاوربية وأمريكا وغيرهم عاملينها
** أنتم نسيتوا أحداث 11 سبتمبر يا عالم يا متحضر يا بتوع السلام نسيتوا الطائرات اللى قادها مجموعة من تنظيم القاعدة وقدروا يعملوا اللى هما عاوزينه فى أمريكا أحنا الحمدلله مقدروش يعملوا عندنا كده
** نسيتوا فرنسا من كام شهر لما مجموعة إرهابية ضربت مجموعة من الصحفيين فى قلب فرنسا
** نسيتوا القناص اللى كان من كام سنة فى أمريكا اللى قعد يضرب فى الناس ومعرفتوش تحددو موقعة
** نسيتوا مروة الشربينى البنت المسلمة اللى اتقتلت فى (قلب المحكمة ) فى ألمانيا بسب الحجاب
** نسيتو ا الطائرة المصرية اللى وقعت عام 1999 والتى كان على متنها 33 ضابط عسكريا و 3 علماء جيولوجيين واللى معروف أنها بفعل فاعل
** وحاجات تانية كتير نسيتوها تقريبا
** أنتو منستوش للأسف أنتو بتستعبطونا أنتو بتفككونا أنتو بتدمرونا كل هدفكم تدمير الوطن العربى واحتلاله
لم يتبقا إلا مصر وبتحاولوا بكافة الطرق أنكم تفككوها تلعبوا شوية مع المعارضة وشوية مع النظام وشوية مع المسلمين وشوية مع المسيحين وشوية مع الغنى وشوية مع الفقير وشوية مع الأكل وشوية مع الشرب
واحنا غلابة وفى فينا اللى بينساق وبيصدق كلامكم
هنفضل لأمتا تايهين ومش عارفين من العدو من الحبيب مين اللى عاوزك تكبر ومين اللى عاوز ياخد حتة منك أو ياخد كل اللى عندك أملنا كبير أننا نتوحد ونفكر فى بلدنا بجد ونبطل نسمع ونمشى من غير منفكر بعقلنا
حكموا عقلكم مصر أقوى من كل دول العالم حتى ولو مكانش ده الواقع دلوقت بس هيبقا أكيد هو الواقع بكرة لما نقف مع بعض .. تحيا مصر

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً

إغلاق