الرأى الحر

فَرَجٌ قريب

كلمات الشاعر:محمود يوسف عبد الرحيم
 

برغم الرتابة
وحاله الكآبة
ورغم الظروف
ورغم الحاجات
اللي ضاعت هباءً
ف لحظة تردد
وحيره وخوف
ورغم الكلام اللى حابسه ف ضلوعك
ورافض تبوحه
بحجه كسوف
ورغم الحنين للى عدى وفات
وذكرى تضحك قليبك ساعات
تزغزغ مشاعرك
فتفرح دقيقه
تغمض عيونك
وتفضل تفكر
وتسرح فتفرح
اكتر واكتر
وفجأه تفتح
تواجهك حقيقة
فتمحى ابتسامة
جميله وبريئة
بإن اللى عدى
خلاص ماضى مات
وأصبح ف عرف الحياه وحساباتها
شويه سراب
بنكهة عتاب
يزلزل سكونك
يغافل جفونك
يطير وجوده
النوم من عيونك
ويهرب بسرعه
كأنه ضباب
يطلع لسانه ويضحك عليك
يسجل ف دفتر سعادتك غياب
برغم الكلام اللى عدته وزدته ورغم اللى جايب تملى ف سيرته ورغم الرتابه وحاله الكآبه هتمشى حياتك فبطل تخاف دي سنه وماشيه علينا ف ارضه هتفرج .. برغم السنين العجاف ..

الوسوم

مقالات ذات صلة

شاهد أيضاً

إغلاق