الثقافة والأدب و الفنمقالات

حاتم شعبان يكتب : في بلدنا الست بــ “7000” راجل

اليوم الدولي للمرأة أو اليوم العالمي هو احتفال علماني يحدث في اليوم الثامن من مارس يحتفل العالم بالانجازات الاجتماعية و السياسية والاقتصادية للنساء.
في بعض الدول كالصين و روسيا و كوبا تحصل النساء على إجازة في هذا اليوم.

الاحتفال بهذه المناسبة جاء على إثر عقد أول مؤتمر للاتحاد النسائي الديمقراطي العالمي الذي عقد في باريس عام 1945.

من المعروف عالمي أن اتحاد النساء الديمقراطي يتكون من المنظمات الرديفة للأحزاب الشيوعية و كان أول احتفال عالمي بيوم المرأة العالمي رغم أن بعض الباحثين يرجح ان اليوم العالمي للمرأة كان على إثر بعض الإضرابات النسائية التي حدثت في الولايات المتحدة.

بتلك المناسبة اليوم أحب أهنى المرأة الفقيرة فى كل مكان المرأة الكادحة المرأة المجاهدة احب اهنى الست الشقيانة الست المصرية اللى بيقولوا عليها نكدية عشان بتكنس وتطبخ وتشتغل و تربى الولاد اتعلمت تكون جاريه تحت مسمي كاذب : ست بيت شابوه لامى و اختى و صديقاتي و خالاتى و عماتى و كل ما سيده و بنت علي مستوي العالم .

في مصر (بلدنا) البنت بيتم اغتصابها عيني عينك من زمان كانه بيغتصبه حقها في إنها تكون مصدر فرحة كمولود جديد لإنها مش ولد هي نفس البنت اللي بعد كدة بتكون الحبيبة و العشيقة و الاخت و الأم و الصاحبة هي هي نفس البنت اللي بتسهر على راحتك وانت تعبان و تقولك الف سلامه عليك يا بابا .

في بلدنا اغتصبه حق الست سنين كتير في إنها تتعلّم لإنها كدة كدة زي ما بنستهبل و بنقول ملهاش إلا بيت جوزها.. مش حتى بيتها اغتصبه حق البنت في إنها تضحك !!
كام مليون بنت في تاريخ بلدنا كتمت ضحكتها و هي في مطعم ؟ سينما أو مسرح ؟ مترو أو ميكروباص ؟ شارع ؟ حتى لو في حفلة خطوبة أو فرح ؟
كام مليون بنت فلتت منها و ضحكت .. في نص الضحكة اتقهرت من مليار فكرة اغتصبت ضحكتها بسبب كلام الناس ؟ سُمعتها ؟

مش كل السكوت معناه الرضا .. في سكوت معناه القهر كام بنت لما اتعاكست اغتصبه حقها في إنها يرجع لها حقها ؟ كام بنت لما اتعاكست بقت هي الغلطانة عشان لحظة ما اتعاكست كانت في الشارع مكانتش في المطبخ بتعمل قلقاس و رز و نسيت تطلع السلطه من التلاجه ؟
كام بنت لما حيوان بيعاكسها هي اللي بتطلع غلطانة من وجهة نظر اللي بيقفه ضدها عشان البنت بتكون في خلاف مع خنزير ما زيّهم ؟
انت شوفت بعينك كام بنت اتعاكست في الشارع و لفّيت وشك ؟
فى نفس الوقت كام مرّة اتكلمت عن إن قد ايه التحرُّش و المعاكسه و التعدى بالالفاظ او النظر حتى عن المرأه شيء سافل و زبالة ؟
احنا كدابين جدا ! و مغتصبين جداً لإننا متأكدين إن البلد مفيهاش رجالة بقالها كتير ، و إن ممكن أي متحرش يعاكسها في المترو أو الشارع أو الشغل لإن بلدنا مفيهاش رجالة بتقف مع الحق مهما كان تمنه إحنا مش بنقف مع الحق و بنيجي على الضعيف ، الفقير ، و المريض ، و اليتيم ، حتى اللي مش من المنطقة و بيسأل عن مكان ممكن نيجي عليه لمجرد انه مش من المستنقع اللى انت منه و خارج دائره السف بتاعتك .

عزيزتي بكل ما تحمل كلمة عزيزتي من مشاعر
إحنا مجتمع جبان بيخاف يغيّر ، بيخاف ياخد حقه مش غريب لما شويّة عبيد بيعبدوا الجنيه و لقمة العيش على حساب كرامتهم و كرامة أهل بيتهم يختاروا إنك تكوني غلطانة أسهل بالنسبة لهم كتير من إن كل واحد منهم يرزع المتحرش او المجتمع الذكوري قلمين على خلقته !

دلوقتي هيحصل شوية رغي و نتكلم و نتكلم ، و يمكن تعمل شير للكلام ده لكن انت نفسك برضة لما تدخل كافيه بكرة هتقعد مسنتر نفسك في وش بنت لابسة شيميز أبيض عشان تفضل طول ما انت قاعد تبص لها و تغتصب حقها في إنها تشرب قهوتها في سلام
احنا مجتمع زبالة بلد بتغتصب كل حاجة من أول الجسم لحد الأحلام مروراً بالحقوق .

نقطه الخلاف في تلك السطور ستكون علي العنوان و لماذا 7000 راجل مش 100 زى ما بنقول في المثل الشعبي و الحكمه الاصيله اعتمدت ربط العدد بالعقد الاثري و العصر الحضارى الذى نمتلكه ٧٠٠٠ الاف سنه حضاره .

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني.

أنت تستخدم إضافة Adblock

برجاء دعمنا عن طريق تعطيل إضافة Adblock