تحقيقات وتقارير

وزارة التموين فساد لاينتهي

كتب أحمدأبوحبيب

وكما إعتدنا أن نكون صوت لمختلف الطبقات المصرية غنيها وفقيرها بدون مراء من أحد أوخوف أسوق لكم أعزائ القراء في ملف جديد يتحدث عن السلع التموينية ومشاكل المواطنين ونحن هنا في مصر حيث بات حوالي 80%من الشعب المصري يعدون تحت خط الفقر فاقدين الأمل في المسؤلين عنهم فأين أنت أيها المسؤل عن السائل؟

يؤسفني أن أنقل إليكم شكوي جديدة بعدما أصبح المواطن متصل الشكوي إما من غلاء أونقص أو إهمال.وخلال لقائي ب  م.ع موظف بوزارة التموين. لسؤاله عن أحوال الوزارة ومايحوم حولها من شبه الفساد .

قال “بالنسبة لاضافة المواليد كان من المفترض أن يتم فتحها مع بداية السنة الجديده بالإضافة إلي برنامج لاضافة المواليد شبيه للسجل المدنى” يعنى مفهوش اى تزوير مهما حصل ده بالنسبة لاضافة المواليد” .

اما حضرة وزير التموين “جالنا منشور من الوزارة بان فى بطايق بتصرف فى محافظتين المحافظة المحول منه والمحافظة المحول لها وده مش له علاقه بالمكاتب ده بيكون خدع المواطن انه بياخد جواب الايقاف من المحافظة المحول لها وبيقدمة للجهاز والجهاز بيوقف البطاقة والتعليمات اللى جايه لينا علي الاجهزة فى المكتب اننا نعمل ايقاف فقط ع سيستم البطاقة لان اى صيغة تانية بتعطل الجهاز اللى فى المحافظة الاخرى ومش بيقدر يتحكم فيها انه يدخلها داخل المحافظة يعنى صيغة الايقاف نفسها مش هتبقى معروفة هى ايقاف محافظة ولا ايقاف انه مزوره مثلا يبقى لازم المواطن يتحاسب بانه ع علم بكل ده”.

وتابع حديثه بالنسبة لتدريب الاجهزة” انا اسف كان ردىء جدا للموظفين وطبعا كل ده بتعمله الشركة عشان مش يكون فى اهل خبره من الموظفين ويعرفوا يلعبوا بالبطايق بكل الطرق وبنكتشف ده فى الاخر لما بنتحط فى امور قانونية “.

ووجه سؤالا للوزير قائلا “ليه ياسيادة الوزير مش تعمل تدريبات مكثفة ع النظام نفسه مش اروح اخد قرص تدريب ع الاجهزة الاقى واحده ولا واحد واقف يقولى ازاى تفتح الجهاز وتقفله واخر تلات ايام يشرحلى النظام كله وملحوظة مدة التدريب كان اسبوعين يعنى 13 يوم افتح الجهاز وسطر برنامج زى الجوابات كده واخر تلات ايام الاقيه يشرح نظام كامل والمطلوب اكون اهل خبره ازااااااااى ؟ “.

وإستطرد قائلا “حضرتك فى بطايق بتتسجل بدل تالف وبدل فاقد والبطايق بتتفعل المسروقة والتفعيل ده مش موجود غير عند الشركة حضرتك بعت لينا منشور لتحويل المحافظات والغلطات دى وعايز تحاسبنا .

حاسب الشركة الاول ع تفعيل البطايق المسروقة.

“وانا هتوجه للنائب العام لو تم اتخاذ اى اجراء قدامى قانونى من ناحية البطايق المحوله .. على جهازى ولو بتتكلم عن الموظف نفسه اللى بيعمل الورق بردك مش دوره انه يمشى ورا كل واحد من المواطنين ويقوله وقف لان حتى لو وقفها بردك هيفعلها زى البطايق المسروقة والتفعيل ده مش بيتم غير من الشركة بردك .

مش كل حاجه تشيلوها للموظفين الغلابة ياريت نفوق .. ده جزء صغير بس .. اللهم بلغت اللهم فااشهد.

وهنا بعد شهادة شاهد من أهلها نجد أن هناك الكثير والكثير من الأخطاء واللغط في وزارة هي محل إهتمام 90مليون مواطن لم يتوقف الأمر علي هذا و حسب بل تابعونا علي مدار 5 أيام لمعرفة مزيد من المعلومات ومالك من حقوق وماعليك من واجبات.

الوسوم

مقالات ذات صلة

أنت تستخدم إضافة Adblock

برجاء دعمنا عن طريق تعطيل إضافة Adblock